{"id":2222602,"date":"2017-11-17T16:08:32","date_gmt":"2017-11-17T16:08:32","guid":{"rendered":""},"modified":"-0001-11-30T00:00:00","modified_gmt":"-0001-11-30T00:00:00","slug":"rrgk-lanson-raportin-hulumtues-mbi-buxhetimin-per-permiresimin-e-barazise-gjinore-ne-programet-per-diasporen","status":"publish","type":"post","link":"https:\/\/womensnetwork.org\/sq\/rrgk-lanson-raportin-hulumtues-mbi-buxhetimin-per-permiresimin-e-barazise-gjinore-ne-programet-per-diasporen\/","title":{"rendered":"RrGK lanson raportin hulumtues mbi Buxhetimin p\u00ebr P\u00ebrmir\u00ebsimin e Barazis\u00eb Gjinore n\u00eb Programet p\u00ebr Diaspor\u00ebn"},"content":{"rendered":"

 Gratë, burrat, vajzat dhe djemtë shpeshherë kanë nevoja dhe prioritete të ndryshme. Politikat dhe programet për diasporën duhet t’i marrin parasysh këto dallime. Buxhetimi i përgjegjshëm gjinor (BPGJ) përfshin integrimin e çështjeve gjinore në të gjitha fazat e planifikimit, ekzekutimit, monitorimit dhe vlerësimit të buxheteve shtetërore. <\/span>
\nNë Kosovë, të gjitha organizatat buxhetore detyrohen me ligj që të kryejnë një BPGJ, për të çuar përpara barazinë gjinore dhe për të përmbushur më mirë nevojat e qytetarëve të ndryshëm. Kryerja e analizës gjinore është hapi i parë thelbësor për sigurimin e informatave për BPGJ-në. 
\n      Për këtë arsye, Ministria e Diasporës (MD) dhe Rrjeti i Grave të Kosovës (RrGK) kanë bashkëpunuar ngushtë për të kryer këtë analizë gjinore, në funksion të identifikimit të objektivave dhe veprimtarive specifike për çuarjen më tej të barazisë gjinore në punën e Ministrisë. 
\n      Andaj si rezultat i këtij bashkëpunimi, RrGK me 17 nëntor publikoi raportin më të ri “Buxhetimi për Përmirësimin e Barazisë Gjinore në Programet për Diasporën. Përmes rekomandimeve që dolën nga kjo analizë synohet të ofrohen informata jetike për Buxhetin e MD-së për vitin 2018, si dhe për Kornizat Afatmesme të Shpenzimeve (KASH-et). 
\n       Në fjalën e saj hyrëse, Drejtorja Ekzekutive e RrGK, Igballe Rogova u shpreh mirënjohëse për përkrahjen e Austrian Development Agency (ADA) dhe njëkohësisht për Ministrinë e Diasporës, që mundësuan realizimin e këtij raporti. 
\n          Më pas të pranishmëve i’u drejtua zëvendësminstri Cerim Bajrami, duke falenderuar RrGK-në dhe ADA-n për këtë bashkëpunim i cili ka rezultuar me një raport kaq të kompletuar. 
\n        Ndërsa në vazhdim, u prezantuan gjetjet kryesore dhe rekomandimet e dala nga ky raport, prezantim i cili u bë nga bashkë-autorja e raportit, njëherit edhe Menaxhere e Programit dhe Udhëheqëse e Hulumtimeve në RrGK, Nicole Farnsworth. 
\n          Pas prezantimit të gjetjeve kryesore, Kreshnik Berisha, Këshilltar Politik i Ministrit në Ministrinë e Diasporë u shpreh se kjo ministri është e gatshme për bashkëpunim të mëtutjeshëm me RrGK në adresimin e rekomandimeve të dalura nga ky raport. 
\n        Në fund, të pranishmit kishin mundësinë të diskutojnë mbi të gjeturat dhe rekomandimet e dala nga raporti i cili u publikua me mbështetje të Austrian Development Agency (ADA). 
\n            Përderisa raportin e plotë mund ta lexoni këtu,<\/a> gjetjet kryesore dhe rekomandimet e dala nga ky raport mund t’i lexoni në vazhdim:<\/p>\n