Vizita filloi me takimin me Fondacionin Vajzat (Fondacija Cure), ku përfaqësueset e kësaj organizate Selma Hadžihalilović dhe Jasenka Kapetanović treguan për punën e tyre, aktivitetet si dhe mënyrën e tyre të avokimit drejt ndryshimeve pozitive në shoqëri përmes edukimit, artit dhe kulturës. Ky fondacion është i njohur përmes Festivalit PitchWise i cili organizohet një herë në vit ku gratë artiste dhe aktiviste nga BeH dhe vende të tjera mblidhen dhe festojnë diversitetin, fuqinë dhe arritjet e grave.

Pastaj, në Hercegovinën Lindore – Trebinje, është mbajtur takimi me Fondacionin Qendra e Grave gjatë të cilit përfaqësuesja e organizatës, Ljiljana ÄŒičković prezantoj në pika të shkurtra historikun e fondacionit si dhe aktivitetet e tyre aktuale me fokus në dhunën në familje dhe fuqizimin ekonomik të grave. Ato kanë krijuar bashkëpunim të mirë ndër-sektoriale dhe komunitar për të adresuar çështjet e dhunës në familje në nivel lokal. Ato gjithashtu ofrojnë dhe ndihmë juridike dhe mbështetje psiko-sociale si dhe avokojnë për fuqizimin ekonomik të të mbijetuarve të dhunës në familje.

Ditët në vijim ishin të rezervuara për punëtorinë “Organizimi i grave dhe sigurimi i hapësirës për gratë në shoqërinë civile” e udhëhequr nga Yllka Soba KtK Kosovë dhe Belma Becirbasic KtK BeH, gjatë të cilës organizatat pjesëmarrëse ndanë përvojat e tyre duke shkëmbyer sfidat dhe mësimet e nxjerra gjatë dy viteve të fundit me fokus në organizimin e grave kundër dhunës në familje dhe pjesëmarrja e grave në proceset e vendim-marrjes.

Organizatat pjesëmarrëse gjithashtu diskutuan rreth ngushtimit të hapësirës për gratë e shoqërisë civile, me theks të veçantë në avokim dhe mënyrën se si ngushtimi i hapësirës mund të ndikoj në organizatat e grave të cilat luftojnë për të drejtat e njeriut.