Më 11 mars 2026, organizata anëtare Rrjeti i Organizatave të Grave Rom, Ashkali dhe Egjiptiane të Kosovës (RROGRAEK) i dorëzoi Rrjetit të Grave të Kosovës (RrGK) një certifikatë mirënjohjeje. Kjo vlerësim e njeh bashkëpunimin e gjatë dhe kontributin e vazhdueshëm të RrGK në promovimin e barazisë gjinore dhe fuqizimin e grave Rom, Ashkali dhe Egjiptiane, duke përfshirë veçanërisht nismën e fundit “Adresimi i Dhunës me Baza Gjinore në Kosovë: Fushata Derë më Derë”, I mbështetur nga RrGK dhe East West Management Institute.

Ky nderim reflekton vitet e përkushtimit dhe punës së palodhur të RrGK për avancimin e të drejtave të grave dhe krijimin e mundësive të barabarta për të gjithë. Bashkëpunimi mes RrGK dhe RROGRAEK ka pasur ndikim të dukshëm në zhvillimin e iniciativave që synojnë forcimin e rolit të grave në komunitetet e tyre dhe ndryshimin e perceptimeve shoqërore mbi barazinë gjinore.

Gjatë ceremonisë, RrGK falënderoi RROGRAEK për këtë njohje dhe theksoi se bashkëpunimi do të vazhdojë në të ardhmen, duke mbështetur promovimin e barazisë gjinore, të drejtave të grave dhe mundësive të barabarta për të gjithë qytetarët.

“Ky nderim nuk është vetëm një shenjë mirënjohjeje, por edhe një motivim për të vazhduar punën tonë në mbështetje të grave dhe komuniteteve të margjinalizuara, sidomos grave Rom, Ashkali dhe Egjiptiane. Bashkëpunimi me RROGRAEK është një shembull i fuqishëm se si organizatat mund të punojnë së bashku për një shoqëri më të drejtë dhe të barabartë,” u shpreh Adelina Berisha nga RrGK.

Ky veprim nënvizon rëndësinë e bashkëpunimit ndërorganizativ dhe angazhimin e përbashkët për ndërtimin e një shoqërie ku barazia gjinore dhe të drejtat e grave janë prioritet e jo thjesht aspirata.