Përfaqësuesit e OSHC dorëzojnë peticionin që kërkon amandamentimin e Ligjit për Aministi tëk Presidentja e Kosovës Atifte Jahjaga me 19 Korrik.
Projekt Ligji për Amnistinë në Kosovë doli nga marrëveshja për normalizimin e marrëdhënieve në mes të Kosovës dhe Serbisë. Ai kishte për qëllim të mbështesë integrimin e serbëve në veriun e Kosovës duke iu ofruar mbrojtje nga aktet ligjore që rrjedhin pas rezistences së serbëve ndaj Kushtetutës së Kosovës që nga deklarimi i pavarësisë në vitin 2008. Megjithatë, projektligji fillestar, sipas disa parlamentarëve, “tejkalon marrëveshjen për amnisti dhe provon të ofrojë amnisti për krimet ordinere që janë kryer në territorin e Kosovës.”
Pa marrë parasysh shqetësimet, parlamenti përdori procedura të përshpejtuara pa ndonjë diskutim publik, kur mbajti leximin e parë të pojektligjit më 4 Korrik.
RrGGK reagoi kundër Projektligjit për Amnistinë dhe iu kërkojë parlamentarëve që të mos votojnë për të pasi që do të ofronte aministi për një numër të akteve kriminale, përfshirë edhe dhunën kundër gruas. Qytetarë të ndryshëm poashtu protestuan pranë parlamentit dhe turma u shpërnda vetëm atëherë kur projektligji nuk kaloi. Në leximin e tij të parë, projektligji morri vetëm 70 vota në favor, që nuk ishin të mjaftueshme për 80 votat e nevojshme.
Shqetësimet mbi polemikat rreth Nenit 3 bën që Qeveria të shtojë një pikë që theksonte se veprat që rezultojnë nga vrasjet apo lëndimet trypore nuk do të amnistohen.
Kur leximi i dytë i projektligjit u paralajmërua për datën 11 Korrik, qytetarët e Kosovës organizuan një tjetër protestë pranë Parlamentit. Ajo zgjati gjashtë ditë e pesë netë. Protestuesit e bënë të qartë që ata nuk përfaqësojnë ndonjë institucion apo parti politike. Më tutje, pas një numri të reagimeve individuale, 34 organizata të shoqërisë cilvile (OSHC) i shkruan një letër të përbashkët Zyrës së BE-së në Kosovë, EULEX-it dhe Ambasadave të shteteve të Quint-it duke kërkuar që Projektligji për Amnistinë të rishikohet. Ato poashtu inicuan një peticion të qytetarëve, duke kërkuar amandamentimin e ligjit. Qytetarët protestuan prapë jashtë parlamentit në të njëjten kohë kur në parlament po mbahej leximi i dytë i ligjit.
Pa marrë parasysh protestën e qytetarëve, më 11 Korrik Ligji për Amnistinë kaloi me 91 vota në favor dhe 17 kundër.
Qytetarët vazhduan të protestonin gjatë datës 19 Korrik duke nënshkruar peticionin e lartëpërmendur. Në total, OSHC-ja mblodhi 12,764 nënshkrime. Instituti Kosovar për Kërkime dhe Zhvillime të Politikave, Grupi për Studime Politike dhe Juridike, RrGGK, Community Building Mitrovica, Syri i Vizionit, EC Ma Ndryshe dhe INPO dorëzuan peticionin në Presidencë, duke kërkuar që projektligji të kthehet në Kuvend (shikoni letrën e tyre).
Presidentja Jahjaga vlerësoi angazhimin dhe rolin e shoqërisë civile në demokratizimin e Kosovës. “Komunikimi në mes të institucioneve dhe shoqërisë civile është i nevojshëm dhe kontribuon në përmirësimin e përgjithshëm të proceseve,” tha ajo.
Pasi që Ligji do të mund të mbahet nga Gjykata Kushtetuese, RrGGK do të vazhdojë të avokojë për rishikime.
