Ministria e Punës dhe Mirëqenies Sociale (MPMS) udhëheqë grupin punues që po bën ndërhyrjet e fundit në Ligjin e ri të Kosovës për Punë. Në këtë kontekst, Ministri Arban Abrashi ka kërkuar nga Rrjeti i Grupeve të Grave të Kosovës që të ofrojë të dhëna për këtë proces. Si përgjigje, ky dokument përmbledh të dhëna nga një metodologji e hulumtimit me metoda të përziera që përfshinë analizën e kornizës ligjore relevante ekzistuese, një rishikim të praktikave më të mira të vendeve të tjera, një anketim fytyrë-për-fytyrë të një mostre të thjeshtë rastësore të 400 punëdhënësve (privat, publik dhe shoqëri civile) nga 30 komuna, dhe një anketim të 1,301 grave dhe 374 burrave, duke përdorur mostrën më lehtësisht të arritshme.