Drejtorja e Programit dhe Udhëheqësja e Hulumtimit, RrGK, Nicole Farnsworth prezantoi sot para Departamentit Amerikan të Shtetit mbi historinë dhe punën e RrGK-së dhe anëtareve të saj, duke përfshirë Agjendën për Gratë, Paqen dhe Sigurinë. Ajo ndau ide se si SHBA mund të mbështesë më mirë aktivistet dhe lëvizjet për të drejtat e grave, duke përfshirë:

1) konsultimin e rregullt me Organizatat e Shoqërisë Civile për të Drejtat e Grave (OShCG);

2) duke folur për OShCG-të, prioritetet dhe ekspertizën e tyre në dialogun politik me zyrtarët dhe në takimet e nivelit të lartë;

3) investimi në OShCG dhe lëvizjet si partnerë afatgjatë sepse ndryshimi social kërkon kohë dhe OShCG-të mbeten të përkushtuara dhe të angazhuara në sjelljen e ndryshimeve në shoqëri; rishikimin e modaliteteve të financimit për të kompensuar ekspertizën e OShCG-ve dhe angazhimin e tyre si ekspertë; dhe

4) të mbështesë avokimin e OShCG-ve në nivel lokal, kombëtar dhe ndërkombëtar.

Departamenti Amerikan i Shtetit organizoi këtë prezantim si vazhdimësi e Forumit për Gratë, Paqen dhe Sigurinë të organizuar nga Presidentja e Kosovës Vjosa Osmani Sadriu më 22 dhe 23 tetor.

Ne falënderojmë Departamentin amerikan të Shtetit për vazhdimin e bashkëbisedimit dhe konsultimin me OShCG-të dhe aktivistët. Ne e vlerësojmë mundësinë për të ndarë përvojat tona dhe presim me padurim vazhdimin e këtij dialogu!