Me 21 gusht 2014, Programi i Kombeve të Bashkuara për Zhvillim (UNDP), organizoi tryezën e rrumbullakët të titulluar “Profesionet nuk kanë gjini”, në kuadër të Dokufestit në Prizren.

     Diskutimi u koncentrua në mënyrat se si akter të ndryshëm munden ti formojnë përceptimet e popullatës mbi barazinë gjinore, veçanërisht mbi gjininë dhe punësimin. Diskutimi u moderua nga Donjeta Morina, Asistente e Projektit në UNDP dhe pjesëmarrësit diskutuan idetë dhe eksperiencat e tyre personale.

     Diskutimi u fokusua në rezultatet e raportit të Pulsit Publik mbi gjininë, i cili u publikua në korrik 2014. Raporti ka rekomanduar më shume ngritje të vetdijësimit mbi gjininë dhe profesionet, gjininë dhe punësimin.  
     Pjesëmarrësit i diskutuan mënyrat se si shoqëria i formon dhe vazhdimisht i riprodhon normat sociale të cilat na limitojnë zgjedhjen e karrierës varësisht prej gjinisë sonë.

     Debati filloi me shfaqjen e klipit “Profesionet nuk kanë gjini”, i cili tregon aspiratat e karrierës së djemve dhe vajzave.

Diskutimi u fokusua në mënyrat e ndryshme se si familja, media, shkolla dhe shoqëria e limitojnë zgjedhjen e karrierës së vajzave dhe djemve të vegjël, duke imponuar norma të ndryshme sociale mbi ta.