Letër ngushëllimi
Rrjeti i Grave të Kosovës (RrGK) sot me pikëllim të thellë ka marrë lajmin për vdekjen e “Bilbilit të Kosovës”, Nexhmije Pagarushës (1933-2020).
Vdekja e saj nuk është humbje e madhe vetëm për familjen e miqtë e saj, por edhe për botën e artit mbarëshqiptar.
Kthejmë kokën pas dhe me krenari kujtojmë se në vitin 2015 Pagarusha mori mirënjohje nga RrGK për “Guximin dhe veprat të cilat kanë motivuar dhe fuqizuar vajzat dhe gratë në Kosovë”.
Krenohemi që përgjatë përpjekeve tona për fuqizimin e grave, rrugët na u kryqëzuan me një grua kaq të fuqishme siç ishte dhe do të mbetet gjithnjë Nexhmije Pagarusha.
*****
LEXO EDHE: RrGK bën nderime te varri i Nexhmije Pagarushës për 17 shkurt
Në videon e mëposhtme mund të ndiqni disa pamje nga Kuvendi Vjetor i RrGK-së mbajtur në vitin 2015, me ç’rast “Bilbili i Kosoves”, Nexhmije Pagarusha pranoi mirënjohjen:
