Përfaqësuesja speciale e NATO-s për Gratë, Paqen dhe Sigurinë, Mari Skåre dhe ekipi i saj e kanë vizituar RrGGK-në më datë 28 maj. Kemi diskutuar zhvillimet politike në Kosovë, bashkëpunimin e RrGGK-së me Forcat e NATO-s në Kosovë (KFOR) dhe të ardhmen e bashkëpunimit në drejtim të zbatimit të Rezolutës 1325 të Këshillit të Sigurimit të Kombeve të Bashkuara për Gratë, Paqen dhe Sigurinë në nivel ndërkombëtar. RrGGK-ja ka ofruar informata lidhur me zhvillimet e fundit ligjore dhe politike, duke përfshirë ato që kanë të bëjnë me mbrojtjen dhe dinjitetin e grave të cilat kanë vuajtur nga dhuna seksuale gjatë luftës.
RrGGK-ja dhe përfaqësuesja e KFOR-it, Lotta Ekvall, e kanë informuar shkurtimisht Përfaqësuesen Speciale, Skåre, për rolin që ka luajtur RrGGK-ja në “Trajnimin e Udhëheqëseve Kryesor” të KFOR-it, në të cilin bëjnë pjesë trajnime për pozitën e grave dhe barazinë gjinore në Kosovë. RrGGK-ja do t’ua ofrojë këtë trajnim përsëri komandove të sapo-ardhur më datën 13 qershor.
NATO kërkon të përfshijë më shumë gra në shoqërinë civile, përmes konsultimeve. Drejtoresha Ekzekutive e RrGGK-së, Igballe Rogova do të marrë pjesë në një konsultë për zbatimin e politikës së rishikuar të Këshillit të NATO-s për Partneritet Euro-Atlantik (KPEA) për Rezolutën 1325 të KSKB-së më 2 qershor 2014 në Bruksel.
