Në Kosovë, vetëm 20% e grave janë të regjistruara si pjesëmarrëse aktive në tregun e punës, ndërkohë që kjo shifër për burrat është 65.7%. Vetëm 13% e grave në moshë pune janë të punësuara (krahasuar me 47% të burrave). Dëshmi të gjëra tregojnë se vënia në dispozicion e kujdesit për fëmijë të përballueshëm ekonomikisht, do t’u mundësonte më shumë grave të hynin në tregun e punës (shiko “Edukimin”).
Ndërkohë përmirësimi i mjedisit të përshtatshëm për pjesëmarrjen e grave në ekonomi përfshin nevojën për vazhdimin e punës drejt rritjes së pronësisë së grave, pasi që aktualisht gratë zotërojnë vetëm 17% të pronave. Megjithëse RrGK ka mbështetur integrimin e përspektives gjinore në procesin e anëtarësimit në BE, mbështetja financiare e BE-së drejt përkrahjes së anëtarësimit të Kosovës në BE mund ta avancojë edhe më tutje integrimin e kësaj përspektive.
Strategjia e RrGk-së:
Qëllimi afatgjatë i këtij programi është: Gratë dhe burrat kanë mundësi të barabarta ekonomike në shtëpi dhe në sferën publike. Objektivat përfshijnë:
- Përmirësimi i kushteve për pjesëmarrjen e grave në fuqinë punëtore.
- Rritja e përqindjës së grave që kanë qasje në trashëgimi dhe pronësi.
- Përmirësimi i perspektivës gjinore në reformat që lidhen me procesin e anëtarësimit në BE.
