Problemi

Kosova përballet me sfida mjedisore si ndotja, ndryshimet klimatike dhe planifikimi i dobët urban, që prekin burrat dhe gratë në mënyra të ndryshme, megjithatë, politikat shpesh i anashkalojnë këto ndikime gjinore. Mungesa e të dhënave, analizave ndërsektoriale dhe konsultimeve gjithëpërfshirëse ka sjellë ligje dhe politika që nuk pasqyrojnë nevojat e ndryshme, duke penguar zbatimin dhe rezultatet e përgjegjshme gjinore.

Strategjia e RrGK-së

Përmirësimi i shkallës në të cilën gjinitë, duke përfshirë nevojat dhe interesat e ndryshme të grave dhe burrave të ndryshëm reflektohen në politikat mjedisore dhe planifikimin urban, të realizuar përmes:

• Kryerjes së analizave gjinore dhe zbatimit të buxhetimit të përgjegjshëm gjinor (BPGJ) të lidhur me mjedisin dhe ndryshimet klimatike, përmes Programit mbi Sundimin e Ligjit;
• Ngritjes së avokimit të bazuar në dëshmi për ligje e politika të përmirësuara që integrojnë perspektivën gjinore në sektorët e mjedisit dhe klimës;
• Promovimit të pjesëmarrjes domethënëse të grave dhe burrave të ndryshëm, veçanërisht të grave dhe vajzave, në diskutimet publike dhe vendimmarrjen për politikat mjedisore dhe klimatike.
• Ndërtimit të kapaciteteve të anëtareve të RrGK-së për të ulur ndikimin mjedisor në materialet e tyre të marrëdhënieve me publikun dhe për të mbështetur avokimin e tyre për përmirësimin e kushteve mjedisore në Kosovë.

Aktivitetet kryesore

• Vazhdimi i avokimit për ligje mjedisore, politika dhe buxhete të përgjegjshme gjinore, duke përfshirë bashkëpunimin me Ministrinë e Mjedisit, Planifikimit Hapësinor dhe Infrastrukturës.
• Vazhdimi i promovimit të analizave gjinore të transportit për të ndikuar politikat për ndryshimet klimatike.
• Vazhdimi i mbështetjes së qëllimit të GAP III për rritjen e pjesëmarrjes së grave dhe vajzave të ndryshme në vendimmarrjen mjedisore dhe klimatike.
• Vazhdimi i zbatimit dhe forcimit të praktikave miqësore me mjedisin brenda RrGK-së, të tilla si kursimi i energjisë, riciklimi, printimi ekologjik, përdorimi i përbashkët i makinave dhe përdorimi i transportit publik;
• Vazhdimi i mbështetjes së anëtarëve dhe partnerëve në avokimin mjedisor të përgjegjshëm në aspektin gjinor.
• Vazhdimi i trajnimit të stafit dhe identifikimi i mënyrave të reja për për të integruar çështjet mjedisore dhe klimatike në operacionet e përditshme.

Arritjet tona

• RrGK dhe anëtaret e saj, MWAHR dhe EkoKos Women, angazhuan gratë në dëgjimet komunale për mjedisin në Prishtinë, Fushë Kosovë, Mitrovicë dhe Obiliq;
• Në partneritet me RRMBGJ, RrGK lansoi një analizë gjinore për transportin për të mbështetur politika mjedisore dhe të përgjegjshme gjinore të bazuara në dëshmi.
• RrGK mori pjesë në konsultimin e buxhetit të Prishtinës, duke avokuar për alokime për transport, ndriçim publik dhe menaxhim të mbeturinave;
• MWAHR dhe EkoKos Women kryen hulumtime mbi BPGJ-në dhe ekonominë qarkore, duke prodhuar rekomandime politikash me RRMBGJ, ADA dhe Suedinë.
• RrGK publikoi “Fuqizimi i Bujqësisë së Qëndrueshme: Perspektiva Gjinore brenda Ekonomisë Qarkore”, me rekomandime politike;
• RrGK mbështeti dy nisma në vazhdim për financim të përgjegjshëm gjinor për klimën (në total €16,000), të zbatuara nga Demokracia Plus në Podujevë e Rahovec dhe nga MWAHR në Mitrovicën e Jugut.