Më 13 dhjetor, Rrjetit i Grupeve të Grave të Kosovës (RrGGK) në bashkëpunim të ngushtë me Lobin për Barazi Gjinore në Kosovë, lansojë tre punime që synojnë të informojnë lidhur me procesin e anëtarësimit të Kosovës në Bashkimin Evropian (BE), nga një perspektivë gjinore.

 

Punimi i parë i prezantuar është titulluar Si mund të ndikojë anëtarësimi në BE në barazinë gjinore në Kosovë?. Në këtëpunim janë përdorur analiza statistikore dhe ka nxjerrë të dhëna nga informatat cilësore në dispozicion për të shqyrtuar se si anëtarësimi në BE ka ndikuar në barazinë gjinore në vendet e tjera. Autoret janë përpjekur që përvojat e vendeve të tjera nga perspektiva gjinore, të jenë mësim për Kosovën në procesin e anëtarësimit të saj në BE.

 

Punimi i dytë, Krijimi i Indeksit të barazisë gjinore në Kosovë, shqyrton se cilat të dhëna Kosova ka aktualisht në dispozicion drejt krijimit të Indeksit të Barazisë Gjinore në Kosovë. Aty ku mungojnë të dhënat, RrGGK propozon zgjidhje me kosto efikase për institucionalizimin e mbledhjes së të dhënave të nevojshme. RrGGK argumenton se krijimi i këtij indeksi mund të jetë shumë i dobishëm për politikë-bërësit dhe aktivistet, duke siguruar një mjet për monitorimin e progresit me kalimin e kohës. Mes dokumenteve të tjera strategjike, kjo mund të informojë të dhënat bazë, treguesit dhe objektivat, të tilla si Programi i ri i ardhshëm i Kosovës për Barazi Gjinore.

 

Punimi i tretë, i titulluar Çfarë presin gratë nga Procesi i Anëtarësimit të Kosovës në BE? përmbledh çështjet kryesore që kanë ngritur gratë e shoqërisë civile dhe gratë në politikë në Kosovë gjatë konsultimeve të mbajtura gjatë gjithë vitit 2016. Në frymën e Rezolutës 1325 të Këshillit të Sigurimit të Kombeve të Bashkuara për Gratë, Paqen dhe Sigurinë, punimi kërkon të sjellë zërin e grave në procesin e anwtarwsimit të Kosovës në BE. Kur është e mundur, çështjet e ngritura nga gratë janë të lidhura direkt me direktivat përkatëse të BE-së, Planin e ri të veprimit të BE-së për barazi gjinore dhe ligjin e Kosovës.

 

Disa nga akterët kryesorë të përfshirë në procesin e anwtarwsimit të Kosovës në BE morwn pjesë në prezantimin e këtyre punimeve dhe diskutimeve, duke përfshirë: Anila Statovcin, zëvendësministëre e Ministrisë së Integrimit Evropian; Edi Gusia, ud Kryeshefe Ekzekutive nga Agjencia për Barazi Gjinore në Zyrën e Kryeministrit të Republikës së Kosovës (ABGJ); Thomas Gnocchi, Shef i Sektorit Politik, Ekonomik dhe Integrimit Evropian në Zyrën e BE-së në Kosovë; dhe Yllka Soba, Zyrtare e Programit nga Fondacioni Kvinna till Kvinna, i cili mbështeti RrGGK-në dhe Lobin për Barazi Gjinore në hulumtimin dhe përpilimin e këtyre punimeve. Pjesëmarrëse ishin edhe përfaqësueset e RrGGK-së dhe Lobit për Barazi Gjinore, të cilat kanë ngritur disa çështje që kanë nevojë për diskutim të mëtejshëm në të ardhmen.

 

Lobi për Barazi Gjinore në Kosovë bashkon gratë dhe burrat në politikë dhe në shoqërinë civile nga 27 komuna në avokimin për barazi gjinore në nivel lokal. Anëtaret e Lobit vijnë nga parti të ndryshme politike dhe janë të moshave, etnive, aftësive, religjioneve dhe lokacioneve gjeografike të ndryshme.