Me 25 shkurt, në Prishtinë, u mbajt takimi i radhës i Lobit për Barazi Gjinore në Kosovë. Gratë asambleiste dhe përfaqësuese të shoqërisë civile diskutuan për iniciativat e tyre avokuese të planifikuara në secilën komunë, por edhe ato në nivel qendror. Poashtu, u diskuta edhe çështja e mekanizmave ligjor për të mbijetuarat e dhunës seksuale në Kosovë, mbi trashëgiminë dhe aktivitetet me karakter avokues të planifikuara nga komunat për shënimin e 8 Marsit – Ditës Ndërkombëtare të Gruas. 
     “Nga takimet e organizuara nga Lobi për Barazi Gjinore, kam përfituar shumë, duke u nisur nga fakti që në secilin takim diskutojmë çështjet që janë avokuar nëpër komunat tjera të Kosovës nga Lobi për Barazi Gjinore,” u shpreh Hysnije Mustafa-Shamolli. “Ne kemi arritur që këto përvoja dhe format se si është arritur në finalizimi e tyre t’i shkÄ“mbejmë dhe shumë nga to t’i bartim nëpër komunat përkatëse dhe kjo na ndihmoi të pasurohemi me ide të reja, apo edhe ti plotesojme idetë paraprake”.
Ky takim u përkrah nga Austrian Development Agency (ADA). Takimi i radhës i Lobit për Barazi Gjinore pritet të mbahet gjatë muajit prill.