Në përpjekje për ta inkurajuar bashkëpunimin dhe shkëmbimin e përvojave me aktivistët anembanë botës, këtë muaj RrGGK-ja ka pritur një delegacion austriak. Në bashkëpunim me organizatën austriake “Sudwind”, si dhe me mbështetjen e Agjencisë Austriake për Zhvillim, aktivistet nga Austria kanë kaluar pesë ditë në Kosovë, duke mësuar më shumë për pozitën e grave në Kosovë.

    
Vizita e tyre filloi në Prishtinë, ku kanë mësuar më shumë për punën dhe anëtaret e RrGGK-së. Diskutimet me Agjencinë për Barazi Gjinore dhe misionin e Bashkimit Evropian për Sundimin e Ligjit iu ka bërë të mundur të mësojnë për kornizën ligjore të Kosovës. Më pas, ato kanë vizituar OJQ-në “Dera e Hapur”, e cila punon në drejtim të fuqizimit ekonomik të grave. Gjatë ditës së tretë ato udhëtuan për në Gjakovë dhe janë takuar me Mimoza Kusari-Lilën, gruan e parë në Kosovë që është zgjedhur Kryetare Komune. Ato kanë vizituar edhe strehimoren e grave, ku kanë shkëmbyer përvojat e tyre gjatë punës në strehimore dhe kanë mësuar për gjendjen e strehimoreve në Kosovë.

“Strehimorja e grave është duke bërë një punë të shkëlqyer. Ne ndeshemi me probleme të ngjashme dhe puna jonë është shumë e ngjashme,” ka vënë në dukje njëra prej pjesëmarrësve.

    
Gjatë rrugës për në Prizren, ato vizituan fshatin Krushë e Vogël dhe u takuan me Dile Prekpalajn nga Shoqata e Grave Fermere të Krushës së Vogël. Ato mësuan më shumë për prodhimin e qumështit në këtë zonë. Më vonë, pasi mbërritën në Prizren, u takuan me Xhejrane Lokajn nga Shoqata e Iniciativës së Grave, e cila punon në drejtim të fuqizimit ekonomik të grave në Dragash.

    
Në ditën e fundit, grupi ka vizituar OJQ-në Rikotta, e cila i fuqizon gratë në aspektin ekonomik duke prodhuar dhe shitur ëmbëlsira. Ato i provuan disa ëmbëlsira: një mënyrë e mrekullueshme për ta përfunduar vizitën!

    
Aktivisteve nga Austria iu ka lënë përshtypje të thella puna e grave kosovare në të gjitha nivelet.