Drita Vukshinaj nga Shoqata e Femrave me Aftësi të Kufizuara “Femra për Femra†në Prizren prezanton revistën “Gruaja në Fokus†e publikuar në bashkëpunim me Zyrtaren për Barazi Gjinore dhe organizatat tjera të udhëhequra nga gratë në Prizren.
Rreth 60 anëtare, anëtarë të stafit dhe mbeshtetës morën pjesë në takimin e rregullt të RrGGK të mbajtur më 7 Qershor në Prishtinë.
Fillimisht anëtaret e RrGGK dëgjuan përfundimet dhe rekomandimet e Studimit Gjinor në Kosovë, i cili ekzaminoi implementimin e Ligjit mbi Barazinë Gjinore dhe Programit të Kosovës për Barazi Gjinorederi më sot. I ndërmarr nga dy ekspertë të pavarur në Nëntor – Dhjetor 2012, studimi ishte financuar nga Swedish International Development Agency (Sida) për të shpalosur strategjinë e saj të ardhshme në Kosovë dhe regjion.
Duke përcjellë prezantimin, anëtaret e RrGGK kishin mundësi të komentojnë të gjeturat dhe të diskutojnë me përfaqësuesit e Sida-s Maria Melbing dhe Visare Gashi-Gorani, sfidat me të cilat përballen organizatat e udhëhequra nga gratë. Anëtaret e RrGGK ngritën shqetësime lidhur me çasjen e tyre në fonde dhe tendencat e fundit të donatorëve që të japin fonde përmes qeverisë. Anëtaret e RrGGK diskutuan se si kjo mund të ndikojë në pavarësinë e tyre dhe aftësinë për t’i mbajtur të përgjegjshëm zyrtarët qeveritarë.
Zn. Maria Melbing shprehu angazhimin e Sida-s për të vazhduar mbështetjen e saj për shoqërinë civile dhe për të mbështetur barazinë gjinore në Kosovë. Megjithatë, ajo tha që Sida vazhdon të diskutojë mekanizmin përmes të cilit një mbështetje e tillë do të ofrohet si pjesë e procesit të planifikimit strategjik të saj.
Më pas, Igballe Rogova, Drejtoreshë Ekzekutive e RrGGK, njoftoi anëtaret për Dëgjimin Publik që do të mbahet më 12 Qershor lidhur me amandamentimin e projektligjit për statusin dhe të drejttat e martirëve, invalidëve, veteranëve, anëtarëve të Ushtrisë Çlirimtare të Kosovës dhe viktimave civile të luftës dhe familjeve të tyre. Anëtaret e RrGGK-së u inkurajuan që të marrin pjesë në këtë sesion ku aktivistet shpresojnë të amandamentojnë ligjin për të përfshirë gratë që përjetuan dhunë seksuale gjatë luftës.
Naxhije Buçinca, themeluese e Fondacionit për Edukimin e Vajzave “Çifti Buçinca”, shpjegoi këtë Fondacion të ri, që synon të mbështesë edukimin e vajzave. Ata mblodhën 24,000 € gjatë një Mbrëmje Gala, shumë kjo që do të shkojë për arsimim të vajzave. Kjo përfshinte edhe donacionin në shumë prej 1,000 € të RrGGK.
Zana Hoxha-Krasniqi, Drejtoreshë Ekzekutive e Artpolis njohtoi lidhur me Festivalin e tyre të Parë për të Drejtat e Njeriut “Femmes Fatales” ku gratë artiste nga regjioni shfaqën punën e tyre.
Belgjyzare Muharremi, nga Dera e Hapur, informoi anëtaret e RrGGK-së për panairin e produkteve të punëdores në Ditën e Prishtinës, më 11 Qershor.
Drita Vukshinaj nga Shoqata e Femrave me Aftësi të Kufizuara “Femrat për Femra”prezantoi revistën Gruaja në Fokus, e publikuar në bashkëpunim të ngushtë me Zyrtaren për Barazi Gjinore të Komunës së Prizrenit dhe OJQ-të tjera të udhëhequra nga gratë. Ajo poashtu njoftoi që Shoqata e Artizanëve do të organizojë një panair më 16 Qershor, në Ditën e Prizrenit.
Aktorja Anisa Ismajli prezantoi projektin e Qendrës Kosovare për Studime Gjinore (QKSGj) dhe Multimedias që po organizohet në shkolla të mesme nëpër Kosovë. Aktorët synojnë të ngrisin vetëdijësimin në mesin e të rinjëve përmes skeçeve të shkurtëra të lidhura më shëndetësine, barazinë gjinore dhe seksualitetin. Tre aktorë luajtën dy skeçe të shkurtëra lidhur me dhunën në lidhjet e adoleshentëve dhe mungesën e komunikimit në familje.
Emilija Dimoska, përfaqësuese e KtK në Maqedoni kërkoi mbështetjen e RrGGK-së në refuzimin e amandamentimin e propozuar të ligjit mbi abortimin në Maqedoni. Anëtaret e RrGGK u pajtuan që RrGGK duhet të reagojë dhe mbështesë zgjedhjen e lirë të grave në këtë çështje.
