Të enjten, me 13 Shkurt, në ora 11:00, në platonë para Hotelit Grand në Prishtinë, koalicioni i organizatave dhe individëve, One Billion Rising(Një Miliard në Këmbë) organizon konferencë për media.

Përmes kësaj konference, koalicioni One Billion Rising, do bëjë njohtimin e qytetarëve për aktivitetin që organizohet në gjithë botën, por edhe në Kosovë, për t’i thënë MJAFT dhunës ndaj grave dhe për të kërkuar Drejtësi.

Në shkurt të vitit 2013, një miliard gra dhe burra në gjithë boten, dolën në rrugë dhe përmes vallëzimit protestuan për t’i dhënë fund dhunës ndaj grave dhe vajzave në aktivitetin e quajtur One Billion Rising (Një Miliard në Këmbë), ngjarje kjo që vitin e kaluar u organizua për herë të parë edhe në Kosovë.

Koalicioni One Billion Rising përbëhet nga këto organizata dhe individë: Rrjeti i Grupeve të Grave të Kosovës (RrGGK), Artpolis, Alter Habitus, Oda Haliti dhe Bleona Foniqi.

Për më shumë informata rreth aktivitetit, gjeni të bashkangjitur kumtesën për media.